امنين اجيت ) ارجو من القارئين الكرام التصويت للتثبيت وارجو من المشرف القبول

ا منين اجيت امنين الي جابك زماني امنين اجيت
عادي جنت انه وحياتي بيها عايش ما شكيت
وفجئه لن تضهرلي انته والحياتي اتوجهيت
جنت اعيش انه ابسلام واغفه بوسادة عشك منها انتهيت
وجنت اعيش ابّال صافي وكلب خالي وبيه رضيت
وجنت اعيش ابغربه لاجن منها احلى مالكيت
وجنت اعيش ابلا مشاعر وابد لحضه اتحسفيت
ا منين اجيت امنين الي جابك زماني امنين اجيت
امنين اجيت اسئلك كلي وليش اليه انه اعتنيت
جيتني وجبت المصايب والطلايب من لفيت
جيتني وهدمت حصني وانه بيه اشكد بنيت
وجيتني ووجعت روحي واشعلت نيران بيه ومادريت
وجيتني وهيجت جرحي الكوه سكنته وغفيت
وجيتني ونبهت حصره ياما منعدها بجيت
ا منين اجيت امنين الي جابك زماني امنين اجيت
امنين اجيت انته عليّه وانه بيك اتحيريت
وياهو الدزك يغاتي وصوبي بسهامك رميت
خطه هاذي كلي لولا هيج من وحدك نويت
اتعذبيت انه ابحضورك وانته تدري اتعذبيت
وروحي غاصت بالمشاكل والحزن اصبحلي بيت
وماهدت حصرتي ابكلبي وانه منها ما هديت
ا منين اجيت امنين الي جابك زماني امنين اجيت
انته هاوي جاي اليه لو شنو ما وضحيت
وانه ناوي اتعذبه كلبي لو تسل روحي غديت
اضن انته بلوه طاحت فوكي اوبيها ابتليت
واعتقد انته منيه لان بيك اتشاهديت
واعتقد حفّار كبري انته وانته الي نعيت
واعتقد يابو المشاكل بيك انه اتعلكيت
ا منين اجيت امنين الي جابك زماني امنين اجيت
صرت الي عكب الاذيه عشك بيه اتولعيت
وصرت الي محبوب انته وانه من عشكه انسكيت
وصرت الي منجم مشاعر وداخله ساكن بقيت
ومزرعة حب اواماني بيها جم شوك ازرعيت
لذا انه ارد اكلك اشكرك يوم اضهريت
وصرت انه عاشك وعشكي انته والشخصك هويت
ا منين اجيت امنين الي جابك زماني امنين اجيت
وتدري اشسويت بيه ابجيتك لوما دريت امنين اجيت